ARJETA — Nga rekrutere në YFE, në infermiere në Gjermani

24. September 2026

Për më shumë se një vit, Arjeta ishte pjesë e ekipit të YFE-së si rekrutere.

Çdo ditë, ajo ishte pranë njerëzve që kishin një ëndërr të përbashkët: të ndërtonin një të ardhme të re në Gjermani.
Ajo i dëgjonte historitë e tyre, i udhëzonte gjatë procesit, i ndihmonte të përgatiteshin dhe i shoqëronte në një rrugëtim që për shumë prej tyre ishte një nga vendimet më të mëdha të jetës.
Por, gjatë gjithë asaj kohe, ajo po e shihte këtë rrugëtim nga ana e rekrutueres. Deri sa erdhi momenti kur vendosi ta përjetonte vetë.

KËTË HERË, KANDIDATJA ISHTE AJO

Arjeta vendosi të bëhej pjesë e programit të YFE-së dhe të ndiqte të njëjtin proces që për më shumë se një vit ua kishte shpjeguar dhe përcjellë të tjerëve. Nga rekrutueree, ajo u bë kandidate.
Ajo kaloi nëpër intervistë, përgatitjet dhe të gjitha hapat që tashmë i njihte aq mirë nga ana profesionale. Por këtë herë, emocionet ishin krejt të tjera.
Sepse këtë herë, nuk ishte ajo që po priste të dëgjonte nëse një kandidat do të vazhdonte drejt Gjermanisë. Ishte ajo që po priste lajmin e saj.
Dhe pastaj erdhi një nga momentet më të rëndësishme të gjithë këtij rrugëtimi: VIZA.
Një dokument në dorë, por shumë më tepër se kaq. Ishte konfirmimi se një plan që dikur e kishte parë tek kandidatët e tjerë, tani po bëhej realitet për të.

NGA KOSOVA NË GJERMANI

Me përfundimin e procesit, Arjeta nisi kapitullin e saj të ri në Gjermani. Ajo tashmë nuk ishte më pjesë e historive të kandidatëve të tjerë. Ajo ishte duke jetuar historinë e saj.
Nga një anë e ekranit, zyrës dhe intervistave, ajo kaloi në një realitet krejt të ri: vendin e saj të punës në Gjermani. Dhe fotografia e saj në ambientin e punës tregon pikërisht këtë ndryshim. Ajo është aty.

SOT, ARJETA ËSHTË INFERMIERE NË GJERMANI

Dhe ndoshta pjesa më e bukur e historisë së saj është se ajo e di shumë mirë se çfarë do të thotë të marrësh atë hap. Ajo ka qenë në të dyja anët e këtij procesi. Ka qenë rekruterja  që i ka ndihmuar të tjerët të nisin rrugëtimin e tyre. Dhe më pas është bërë kandidatja që e nisi rrugëtimin e saj. Ka dëgjuar historitë e të tjerëve dhe më pas ka krijuar të sajën.
Ka ndihmuar të tjerët të hapin dyer drejt Gjermanisë — dhe një ditë, e hapi edhe derën e saj. Është një histori për guximin për të provuar diçka të re, për të besuar në mundësitë që u ofron të tjerëve dhe, mbi të gjitha, për të pasur guximin që një ditë të thuash:
“Tani është radha ime.”

DHE PËR ARJETËN, KY ËSHTË VETËM FILLIMI.